Life Style

పుచ్చకాయ తింటే ఏం జరుగుతుంది?

పుచ్చకాయలో తక్కువ కేలరీలు, పీచుతో పాటు పోషక విలువలు పుష్కలంగా ఉంటాయి. ఇది హైపర్ టెన్షన్‌ను దూరం చేస్తుంది. గుండెకు రక్తాన్ని సరఫరా చేసే రక్తనాళాల్లో సమస్యలను పుచ్చకాయ నయం చేస్తుంది. పుచ్చకాయ రక్తపోటును తగ్గించడంతో పాటు రక్తనాళాలను పెద్దవి చేస్తుంది.

పుచ్చకాయలో అత్యధికంగా ఎ విటమిన్, బీ6, సీ విటమిన్లున్నాయి. పీచుపదార్ధం సమృద్ధిగా వుంది. పొటాషియం లభిస్తుంది. వ్యాధినిరోధక శక్తి పెరుగుతుంది. పుచ్చకాయను ఎక్కువగా తీసుకోవడం ద్వారా హృద్రోగాలకు దూరం చేసుకోవచ్చు.

పుచ్చకాయ తింటే నేత్రదృష్టి పెరుగుతుంది. శరీర ఉష్ణాన్ని తగ్గిస్తుంది. దాహాన్ని తీరుస్తుందని ఆరోగ్య నిపుణులు అంటున్నారు. అలాంటి పుచ్చకాయను పచ్చిగానే తినడం బోర్ కొడితే అందులో అరకప్పు పుదీనా ఆకులను చేర్చి.. స్లాష్‌ తాగితే రుచిగా ఉంటుంది. పుచ్చకాయ పుదీనా స్లాష్ ఎలా చేయాలో చూద్దాం.

ముందుగా ఐస్ క్యూబ్స్‌ని బ్లెండర్‌లో వేసి, దాని పై మూతను పెట్టి బాగా గ్రైండ్ చేసుకోవాలి. ఆ తర్వాత పుచ్చ ముక్కలను కూడా ఐస్ ముక్కలతో వేసి గ్రైండ్ చేసుకోవాలి. ఆపై పుదీనా ఆకులను కూడా చేర్చి బ్లెండర్‌లో వేసి రుబ్బుకోవాలి. చివరిగా తేనె వేసి మిక్స్ చేసుకోవాలి. అంతే రుచికరమైన పుదీనా పుచ్చ స్లాష్ రెడీ అయినట్లే.

 Life Style
Hariyan Srinivas
 Life Style
Mar 29, 2020
 Life Style
Life Style