Political News

మెట్రో, ఆర్టీసీ ఎండీలకు మంత్రి కేటీఆర్ కీలక సూచనలు

హైదరాబాద్‌లో కరోనా వైరస్ వ్యాప్తి చెందకుండా తీసుకుంటున్న చర్యల్లో భాగంగా మంత్రి కేటీఆర్ కొన్ని సూచనలు చేశారు. ముఖ్యంగా నగరంలో ప్రధాన రవాణా సాధనాలైన ఆర్టీసీ బస్సులు, మెట్రో రైళ్లలో ప్రత్యేక జాగ్రత్తలు పాటించాలని సూచించారు. ఈ మేరకు ఆర్టీసీ ఎండీ, మెట్రో ఎండీలను కోరారు. బుధవారం ట్వీట్ చేసిన మంత్రి కేటీఆర్.. ఆర్టీసీ బస్సుల్లో ప్రయాణికులు తరచూ తాకే భాగాలను బాగా శుభ్రం చేసేలా చర్యలు తీసుకోవాలని రవాణా మంత్రి పువ్వాడ అజయ్ కుమార్‌ను కోరారు.

కర్ణాటకలో వైరస్ వ్యాప్తి చెందకుండా ప్రజా రవాణా సాధనాల్లో ఇలాంటి చర్యలే తీసుకుంటున్నారని మంత్రి గుర్తు చేశారు. దీనికి సంబంధించిన ఓ జాతీయ మీడియా సంస్థ ట్వీట్ చేసిన ఫోటోను రీ ట్వీట్ చేశారు. బెంగళూరు మెట్రో పాలిటర్ ట్రాన్స్‌పోర్ట్ కార్పొరేషన్ బస్సులన్నింటినీ శుభ్రం చేయాలని ఆదేశాలు జారీ చేసింది. బస్సుల్లో లోపలి భాగం ప్రయాణికులు పట్టుకొనే డోర్ హ్యాండిల్స్, ఇతర ఇనుప భాగాలను రోజూ శుభ్రం చేయాలని సూచించింది. వీటిని క్లోరిన్, ఆల్కహాల్ ఆధారిత ద్రావణాలతో శుభ్రం చేయాలని సూచించింది.

నగరంలో కరోనా వైరస్ కేసు బయటపడడంతో పాఠశాల విద్యాశాఖ కూడా అప్రమత్తమైంది. విద్యార్థుల్లో అవగాహన కల్పించే చర్యల్లో భాగంగా హైదరాబాద్ నగరంలోని అన్ని పాఠశాలలకు అధికారులు ఆదేశాలు జారీ చేశారు. వైరస్ సోకకుండా తీసుకోవాల్సిన ముందస్తు జాగ్రత్తలను బుధవారం నుంచి ఉదయం ప్రార్థన సమయంలో విద్యార్థులకు ఉపాధ్యాయులు వివరిస్తున్నారు.

 Political News
Hariyan Srinivas
  Political News
Mar 04, 2020
  Political News
Political News